Asteburu honetan denboraldiko lehen lagunarteko partida jokatu du Amara Berriko nesken taldeak. Norgehiagoka Oreretan izan zen, hilak 30, eguerdiko 12etan. Amarako neskak jokatzeko gogotsu zeuden arren, bazekiten ez zeudela beren baldintza onenetan, lesionatu eta baja asko baitzeuden.
Partida hasi bezain pronto, amaratarrak izan ziren baloiaren jaun eta jabe eta jokaldi paregabeak eskeini zituzten. Zoritxarrez, eginiko jaurtiketek ez zuten sarea aurkitzen eta etxekoak lehendabiziko gola eskuratu arte, amaratarrak ez ziren gai izan gola sartzeko. Lehendabiziko gol hau Eneritzek lortu zuen eta hemendik aurrera, joko politaz eta dibertigarriaz gozatu ahal izan genuen. Horren ondorio dira, lehendabiziko zatian lorturiko beste bi golak, Eneritz berriz eta Ainhoaren eskutik.
Bigarren zatia aldiz, oso bestelakoa izan zen. Oreretakoak beste hamaikako berri bat atera zuten berdegunera eta zeharo nabaritu zen. Talde berri honek, lehenengoak baino esperientzia gehiago zuen eta fisikoki ere, gure neskak baino freskoago zeudela nabari zen. Hortaz, bertakoek bigarren zatian hiru gol eskuratu zituzten, partida irabaziz.
Aipamena egin, Marina eta Itziar, kadeteetatik talde honetara igo berri diren bi neskek beren debuta izan zutela eta Leire porterak ere, buruturiko partida paregabea.
