Urnieta 1-2 Amara Berri

Atzo gure neskek, kopako ligako azken partida jokatu zuten. Nahiz eta aurkaria sailkapeneko goikaldean ez egon, amaratarrek nolabaiteko urduritasuna zuten partidu hau jokatzeko, izan ere, hiru puntuak kendu dizkion talde bakarra izan baita Urnietakoa. Zoritxarrez, urduritasun horrek ez zituen ondorio onak eduki berdegunean eta etxekoek sartu zuten gola lehenengoz. Une horretatik bertatik, amaratarrak esnatzen hasi ziren eta partiduko erritmoa markatu zuten. Beraz, nahiz eta partida nahiko kaxkarra izan, Oihanak lorturiko bi golei esker taldeak irabazi zuen.

Bihar izango da federazioan bilera eta gurutzaketak nola joango diren argituko da. Momentuz, hiru taldeen artean puntu gehien lortu ditugunak gara eta horrek zeresan handia du!! sinetsi behar dugu!! kopa gurea da!!!

Amara Berri 3-0 Lazkao

Larunbatean, amaratarrei etxean jokatzea egokitzen zitzaien baina Martuteneko zelaian talde askok jokatzen zutenez, ordutegi hobeago baten bila, Matigotxotegin jokatzea erabaki zuten. Nahiz eta hau etxekoen zelaia ez izan, ondo aritu ziren, batez ere bigarren zatian. Lehendabizikoan, Ainhoak gola hasieran lortu arren, ez zen joko handirik ikusi eta amaratarrek ez zituzten aukera anitz egin. Bigarren zatian, partiduak beste erritmo bat hartu zuela ikusi zen eta horren ondorio dira, Oihanak eta Crisek lortuko golak, azken honek, bakarkako jokaldi liluragarri baten ondorioz lortu zuelarik. Beraz, gure neskek beste garaipen bat sartzen dute poltsikoan eta horrela jarrai dezatela!

Luberri 1-0 Usurbil

Usurbil 0-1 Amara Berri

Gure nesken atzoko partida oso kaxkarra izan zen. Sailkapenean azken postuan dagoen Usurbileko taldearen aurka jokatu bazuten ere, ez zen partida erraza izan. Amaratarrak oso despistaturik sartu ziren berdegunera eta egoera hori, segituan islatu zen zelaian. Nahiz eta etxekoek jokaldi berezirik ez lortu, gureek ere ez, ez zuten bestelako aukerarik izan. Hala eta guztiz ere, Maialenek jaurtiriko falta baten ondorioz eta Oihanak errematean huts egin ondoren, Ainhoak burukada batez gola eskuratu zuen.

Orokorrean, esan beharra dago partida nahiko aspergarria eta gainera sufritua izan zela. Baina zorionez, hiru puntu gehiago lortu dituzte.

Neskak, kopa lortu nahi badugu espabilatzen hasi behar gara. Atzoko tankerako partidekin ez goaz inora. Animo!!