Cognacthlon 2008

Hemen dituzue, Daviden eskutik, aipaturiko gincana egindako probak. Lehendabizikoan gorriek irabazi zuten eta dantzako proban aldiz, urdinek.

Eskerrik asko ekipo.

Cognac 2008

Aurtengo Cognac-eko txapelketa nahiko berezia zen, izan ere, 10. urteurrena ospatzen baitzen. Talde oso onak izan ziren gonbidatuak txapelketara, horien artean, Mutriku eta Amara Berri talde euskaldunak zeudelarik.

Txapelketari dagokionez, amaratarrek ez zuten zorte handia izan eta 8 partaideen artean, sailkapenean 7. postuan lortu zuen. Kontutan hartu beharrekoa da, zatiak 10 minutukoak direla eta horrenbestez, golak sartzeko aukera gutxi daudela. Lehendabiziko partida, Agen taldearen aurka jokatu zuten eta gureek hobeto jokatu zuten arren, partida 0-0 bukatu zen (puntu 1). Ondoren, Mamer talde Suitzarraren aurka jokatu zuten eta hauek gailendu ziren, gure neskei 3 gol sartuaz (0 puntu). Larunbateko azken norgehiagoka, txapelketako talde indartsuenetariko baten aurka jokatu behar zuten, Sant Gabriel (Bartzelona) eta semi-finaletara pasatzeko, irabaztea besterik ez zitzaien geratzen. Amara Berriko neskak oso ondo jokatu zuten baina zoritxarrez norgehiagoka berdinketa batean, 0-0 (2 puntu), bukatu zuen eta ondorioz, ez zuten semi-finala jokatzeko betarik izan. Igandean, zelaira hurbildu ziren jokalariak eta ezustekoa hartu zuten, azkeneko 4 taldeen artean gurutzaketak ez zirela egingo jakin zutenean. Honenbestez, gure neskek 7. edo 8. postuarengatik borrokatzeko aukera izan zuten. Mutrikuren aurkako partida polit eta dibertigarri batean, Amara Berrik gola sartu eta txapelketako 7. postua lortu zuen. Gure kategorian Katalandarrak izan ziren garaile eta sub13-ko kategorian, Mutrikuarrak.

Futboletik at, ostiralean bisitatu beharreko herriak ezin izan ziren ikusi, izan ere, oso eguraldi txarra egiten baitzuen eta ezin baitzen kalean egon. Bestalde, gauetan oso ondo pasa zuen ekipoak joko ezberdinak eginez, pelikulak asmatzea eta gincana besteak beste.

Berriro ere Donostira itzuli dira eta orain kopan zentratu behar dira, hau irabazi behar baitute!!!

Amara Berri 3-2 Lagun onak

Gure neskek atzoko partida indarrez hartu behar izan zuten, izan ere, Luberriren berdinketaren ondorioz eta honek 3 puntuko koltxoia eduki arren, ez baitzuten partida galdu nahi. Gogor hasi ziren eta Eneritzek lehendabiziko minutuetan etxekoentzat gola eskuratu zuen. Ordundik ez askora, kanpotarrek berdinketa lortu zuten. Lehenengo zatian jarraitzen zutelarik, Oihanak bigarren gola eskuratu zuen baina hau ere segituan berdinduta izan zen. Beraz, atsedenaldian bina zihoazen. Bigarren zatian, amaratarrek sufritu behar izan zuten baina Ainara zelaira sartu bezain pronto, izugarrizko hirugarren gola eskuratu zuen. Kanpokoek aukera anitz izan zituzten baina etxekoen zorionez, ez zen jokaldirik ate barruan bukatu.

Ondorioz, gure neskak lehendabiziko postuan jarraitzen dute 26 punturekin, bigarren Luberri 23 punturekin eta hirugarren Orioko eta laugarren Lagun Onak bakoitza 19 punturekin.

Orioko 0-4 Amara Berri

Asteburuan gure neskek buruturiko norgehiagoka egundokoa izan zen. Partida osoan zehar gogotsu ibili ziren eta horren ondorio dira Donostira ekarri zituzten hiru puntuak. Maialen Fernandez, Eneritz, Maialen Cortes eta Idoiaren golei esker eta Luberriren porrotaren ondorioz, gure neskek sailkapenaren buruan jartzea lortu dute, puntu gehien dauzkan taldean bilakatuz.

Zorionak neskak ta goazen kopa irabaztea!!!

Amara Berri 1-0 Ordizia

Bart jokaturiko partidan, amaratarrek jokoan zeuden 3 puntuak etxean gelditzea lortu zuten. Ordiziako taldea indartsua eta ona den arren, ezin izan zuen golik eskuratu. Oso berdinduta ibili zen norgehiagoka nahiz eta lehendabiziko zatian etxekoek aukera asko izan zituzten. Dena-den, ez ziren gai izan Maialenek korner jaurtiketa baten ondorioz lorturiko golaz gain, gehiago sartzeko. Bigarren zatian, gure neskek markagailua mantentzeko sufritu behar izan zuten baina esan bezala, garaipena Martutenen gelditu zen, hiru puntuekin batera.